ع الوعد
...............
قمر بالنص من شهرو
نور وحسن عرسانا ضهرو
كل الدهر والقمر بالسما بيكون
اليوم السما
بحضن القمر
والفل ع صدرو
وع الوعد مشتاقين بعد سنين
أيام مرت ترسم الأحلام
احباب التقوا
جايين
وع الصبح سهرو
الثلج والفل والياسمين
تياب القمر
تيناسبو غمرو
في أحلى من الورد بالدني
الورد حلو
والناس بتحب الورد
ومتل وردة مفتحة ع غصن ممدود
ومتل عرق الورد
ايدا برفق لفت على خصرو
سنين العمر حلوة
إذا كان الأمل بقلوبنا مزروع
وبالحب وشذا الأيام
للأمل عطرو
هي السعادة بالعمر أيام
قسمة ونصيب
ومن يوم م الله بيخلق الإنسان
ع جبهتو مكتوب
شو بيعمل بعمرو
بس
بعد العشق
مافي نعم
كلو نغم
وبواب خلف بواب
وشبابيك
وعيون تسهر ناطرة
و للعمر وردات
غيم السما
يسقيا من مطرو
علي محفوض محفوض
