طلة شمس
...................
متل طلة شمس
ع جبال خضرة وناهدة
من بعيد وبعزة نفس
ومتل الغزالة الشاردة
اطلعت فيي وبعد تنهيد
ويصوت كليتو نغم
وينك أنت
وين كنت
أيام ما شفتك
متل القمر بالضل
لما اطل
مسكتا بإيدا
وع الصدر ضميتها
ولفيت كتفا بساعدي
وخفت من الدفا اغفى
مواقد جمر
من كل صوب
بالجسم متصاعدة
غلطان أنا غلطان
ذنبي كبير قلتلها
ع غيبتي من غير ما أخد إذن
بدك تسامحي سامحي
وبدك تحاسبي حاسبي
بعد ماصرت ع الجمر
موفارق معي
وع كيف كيفك عاقبة
إعدام بدك تحكمي
وع الموت الهيئة قاصدة
أنا عمري كلو إلك
وحياة الله والنبي
إعدام بدك فليكن
بس بشرط
بعد الوفا لمطالبي
علي محفوض
